Fanirian’i Papa François ny hanaovan’ny Eglizy katolika any Ethiopie sy Erythrée ho fanamby ny fahafahana manao ny tsara.
Nihaona tamin’ny mpianatra sy mpanabe avy amin’ny « collège pontifical » etiopiana tao Vatican ny Papa François, tamin’ny sabotsy teo. Nandritra izany no nanentanany ho amin'ny hiarovana ireo sampan’asa katolika misehatra amin’ny fanabeazana sy ny asa sosialy toa ny eny anivon'ny hôpitaly mba ho tombotsoa sy ho fahombiazan’ireo firenena ireo. Mankalaza ny faha-100 taonany ankehitriny io “Collège pontifical” io ka anasan’i Papa François ny rehetra hahay haka lesona tamin’ireo taona maro nijaliana vokatry ny ady an-trano sy adim-poko nisy teo amin’i Ethiopie sy Erythtée izany. Nanentana ireo pretra hahay hanasitrana ny ratra anaty sy hanampy hatrany amin’ny fampihavanana ny Papa, ho an’ny ho avin’ny ankizy sy ny tanora.
