31 aogositra — Filôzôfa grika tamin’ny taonjato faharoa i Aristide, mpanompy sampy izy io ary nonina tao Athènes. Nibebaka nanara-dia an’i Kristy izy araka ny fitantaran’i Eusèbe. Nanoratra apologie tany amin’ny amperora Hadrien i Aristide ka navoitrany tao ny vaovao entin’ny fivavahana amin’ny Kristy, dia ny hafatry ny fanantenana sy ny fitiavana.

[audio src="/images/sounds/saint-20200831.mp3" background="#0099ffff"]

Misongadina ao amin’io asa soratra io ny fomba fiteny tsotra, sy faly izay maneho ny nahasambatra azy noho izy manana ny finoana. Marihina fa voadiaka amin’ny fiteny spiaque, aramenianina, sy grika io apologie an’i Masindahy Aristide io. Izy dia martiry ary ny asa sorany dia manampy ireo mpanompo sampy hahazo ireo kristianina sy hiamalefaka kokoa eo anatrehan’izy ireo.