05 septambra — Zanaky ny mpisoron’ny Tamieh tao Fayoum, tany amin’ny sisin-tanin’i Lybie i Raïssa. Roapolo taona izy tamin’ny fotoana nanjakan’i Dioclétien. Resy lahatra io amperora sy ny mpiara-miasa aminy fa hamotika ny fivavahana kristianina.

[audio src="/images/sounds/saint-20200905.mp3" background="#0099ffff"]

Nambara fa hoe ny kristianina sy ny barbares no loza mananontanona ny empire. Ny taona 303 àry namoaka didy i Dioclétien fa ampidirina am-ponja ny eveka sy ny pretra ary ny relijiozy rehetra, ary vonoina izay tsy manolotra sorona amin’ny sampy. Tamin’izay indrindra i Raïssa teo am-patsakana no nahita ireo pretra sy relijiozy nentin’ireo polisy ho any Alexandrie. Efa niandry azy ireo hotsaraina ny governora Culcien, izany hoe hiandry hamono azy ireo. Napetrak’i Raïssa ny sininy ary namonjy ny laharan’ireo pretra sy relijiozy izy. Natosika izy nefa niverina tery amin’ny entany izy ka nikikika mafy sy niantso hoe izaho kristianina. Ary sahiny ihany koa ny nanohitra ny sampy sy ny tsy mety nataon’ny amperora. Farany nampidirina ho isan’ireo hotsaraina ihany izy. To ny faniriany ho lasa martiry. Notapahan’izy ireo àry ny lohany ary ny vatany sisa natsipy tao anaty afo.