Lohahevitra : Hirika

Natomboka ofisialy tamin’ny alalan’ny atrikasa teny Anosy ny alakamisy 02 Jolay 2026 ny andiany fahatelo amin’ny fanangoanna ireo tsara ho fantatra mahakasika ny tontolon’ny fambolena na ny RGA3. Miantoka ny 30%n’ny hari-karena faobe ny tontolony ambanivohitra sy ny fambolena eto Madagasikara. Maherin’ny 75%n’ny Malagasy no misahatra sy manao asa fivelomana ny fambolena. Ny taona 2004 no nisy fanisana farany mahakasika ny tontolo ambanivohitra sy ny fambolena teto amitsika raha toaka isaky ny folo taona no tokony hanaovana izany...

Lohahevitra : Miaina sy mitia

Ny foto-teny ao amin'ny teny "Andraikitra" dia "raikitra" ary ao amin'ny "fitiavana" dia "tia" izany hoe "raikitra ny tia" midika fa raikitra amin'ny tena ny tia. Ankehitriny amin'ny fitenin-jatovo dia tsy dia fiteny loatra ny hoe "olon-tiako, vadiko" fa heno matetika ny hoe "Ankiziko", izany hoe mitaky  andraikitra. Isika rehetra izay niroso tamin'ny fanambadiana dia efa nandray ho andraikitra ny fitiavantsika ny vadintsika... Fandaharana "Miaina sy mitia" tontosaina eto amin'ny radio Don Bosco, iarahana amin'ny Centre Arrupe Madagasikara.

Lohahevitra : Raki-tsarobidy

Tian'ny Konsily hambara fa Andriamanitra no fototra iombonantsika fa hoy izy hoe toa ny hazo ka mizarazara ny rantsany : Satria Andriamanitra RAY no fototra sy fiafaran'ny olombelona rehetra, noho izany dia antsoina ho mpirahalahy sy mpianadahy daholo ny olombelona rehetra. Rehefa tsy miray saina dia tonga ho azy ny fizarana sy fisarahana... Katesizy momba ny foto-pampianaran'ny Eglizy " Ny hafaliana sy ny fanantenana ", iarahana amin'i P. Ravonjiarimalala Célèstin.

Lohahevitra : Vaovao

♦ Namono marary iray indray ny valan'aretina MPox ny talata lasa teo. Lehilahy lehibe tany amin'ny Faritra Sofia io namoy ny ainy io... ♦ Hangataka fihaonana amin'ny FFKM ny kômity mpanomana ny fikaonan-doham-pirenena ho an'ny tanora mialohan'ny daty handravonana farany ny fehin-kevitra tany amin'ny Faritra... ♦ Olona 40 isa isam-bolana no tratra manao asa tsy ara-dalàna etsy amin'ny seranam-piaramanidina Ivato. Miara-miasa amin'ny Zandarimariam-pirenena ny tompon'andraikitra amin'ny fampiharan-dalàna ho an'izay tratra amin'izany...

Lohahevitra : Mba ho vanona

Ny hoe "66 taona" dia tokony azo adika ho tena fahaleovan-tena, na eo ary ireo tsindry avy amin'ireo vondrona sy firenena samihafa. Ny teny, ny tantara ary ny tany dia singa fototra hampisongadinana ny tena fahaleovantena ary teboka hiaingana amin'ny fanavaozana marina. Ny teny malagasy dia teny velona sy mivoatra, isan'ireo teny mita sisin-tany ka manana ny lanjany any amin'ny firenena sy ny toeran-kafa toa an'i Comores sy Paris. Mila mifanentana isika Malagasy hanatsara ny toe-tsaina, hifanome hasina, hifankatia, misy hatrany ny fanantenana rehefa miray hina... Fandaharana "Mba ho vanona" iarahana miasa amin'ny Jeneraly Désiré Ramakavelo.

Lohahevitra : Vaovao

♦ Nangataka an'i Mgr Andrianandraina Jeannot Martial tamin'ny Diôsezin'Antsirabe omaly ny Diôsezin'i Morondava. Izy izay notendren'ny Pape Léon-XIV ho Eveka mpanampy any Morondava... ♦ Nanome baiko ny mpitandro filaminana sy miantso firaisankina amin'ny vahoaka Malagasy ny Filohan'ny Fanavaozana ny Repoblika manoloana ny fangalarana ankizy niseho tato ho ato izay. Namangy ny fianakavian'ireo very ka namoy aina ny Kôlônely Randrianirina Michaël omaly... ♦ Mamaramparana ny dingana natao tany amin'ny Faritra 24 eto amin'ny nosy ny kômity mpanomana ny fikaonandoham-pirenena ho an'ny tanora...

Lohahevitra : Raki-tsarobidy

Voaantsoa ho amin'ny fifankatiavana isika olombelona. Ny hafatry ny Evanjely no manentana sady mamporisika antsika hifankatia? Izay no toetra hahafantaran'ny olona fa mpianatra sy mpanaradia an'i Kristy marina isika. Tsy ho afaka amin'ny antson'i Kristy io isika, satria io no lalan-tokana mitondra antsika makany amin'ny fifandraisana araka an'Andriamanitra... Katesizy momba ny foto-pampianaran'ny Eglizy " Ny hafaliana sy ny fanantenana ", iarahana amin'i P. Ravonjiarimalala Célèstin.

Lohahevitra : Vaovao

♦ Nadikan'ny Filohan'ny Fanavaozana ho asa fampihorohoroana noho ny fitiavan-tena ara-politika ny fahaverezan'olona sy von'olona tato ho ato ka nanomezany baiko ny mpitandro filaminana... ♦ Nosantarina androany ny telo andro handravonana ny fehin-kevitry ny fikaonandohan'ireo tanora tany amin'ny Faritra samihafa, mialohan'ny fandravonana farany atao amin'ity volana jolay ity... ♦ Nifarana androany tolakandro ny fanadinana BEPC, ho an'ireo mpiadina Option B... ♦ Nigadona androany tao amin'ny toerana misy ny "mausolée" an'i Imam Ali, vinanton'ny mpaminany Mahomet ny fiara mitondra ny nofomangatsiakan'i Ayatollah Ali Khamenei...

Lohahevitra : Vaovao

♦ Niompana tamin'ny fandraisana fepetra momba ny raharaha mafana eto amin'ny firenena, ny resaka hala-jaza sy ny fampiantsoana fivoriana tsy ara-potoanan'ny antenimieram-pirenena ny tatitry ny filan-kevitry ny ministra omaly... ♦ Volam-panjakàna madiodio 34 lavitrisa ariary no hiatrehana ny lisi-pifidianana vaovao hoy ny filohan'ny vaomieram-pirenena mahaleo tena misahana ny fifidianana... ♦ Hanomboka ny 29 jolay 2026 izao ny asa fanamboarana ny tetezana lehibe "Fly Over" eo Anosizato araka ny fampahafantarana nataon'ny teo anivon'ny Ministeran'ny Asa Vaventy nandritry ny dinik'asa natao omaly...

Lohahevitra : Ampela mihary

Ny atao hoe fivoarana dia ny fandrosoana any amin'ny tsara kokoa. Misy ny fiovana misy eo amin'ny olombelona manomboka eo amin'ny fahaterahana hatramin'ny vanim-potoana fialan-tsakàna : izay miainga amin'ny fiankinandoha amin'ny ray aman-dreny, mivelatra amin'ny ankohonana, tonga amin'ny fakantahaka sy fandraisana rafitra, ary fanabeazana eo amin'ny fiaraha-monina. Manomboka amin'ny fotoana hahaizan'ny zaza miteny no efa maneho ny zavatra tiany sy ny tsia ny zaza ary misy fotoana mihamafy izany amin'ny fotoana fialan-tsakàna, izay voajanahary tanteraka... Fandaharana "Ampela Mihary" tontosaina eto amin'ny Radio Don Bosco.

Lohahevitra : Vaovao

♦ .Tsy handefitra ary vonona hiatrika ny ady amin'ny fanakorontanana atao amin'ny fitondrana fanavaozana ny Praiministra Mamitiana Rajaonarison araka ny nambarany omaly teny amin'ny Lapam-panjakàna Mahazoarivo.. ♦ Mpitandron'ny filaminana maherin'ny 600 isa no hahetsika eto Antananarivo, hiverina ihany koa ny fisavana ireo fiara manana fitaratra mainty (vitre fumée) hoy ny avy eo anivon'ny EmmoNat... ♦ Feno ireo mpikambana mandrafitra ny birao maharitry ny CENI. Nandray ny asany nanomboka omaly ny solontenan'ny Filohan'ny Fanavaozana, Ramatoa Anne Raymonde...

Lohahevitra : Raki-tsarobidy

Ny Evanjely na ny Tenin'Andriamanitra izay nohenoina na zaraina tamin'ny alalan'ny toriteny dia tokony ho hita amin'ny fiainana andavanandro ny fampiharana azy. Tsy ampy fotsiny ary noho izany ny mihaino fa ilaina koa ny mampihatra azy eo amin'ny fiainana andavanandro. Ny asa eto an-tany dia toerana hanompoana an'Andriamanitra sy ny namana... Katesizy momba ny foto-pampianaran'ny Eglizy " Ny hafaliana sy ny fanantenana ", iarahana amin'i P. Ravonjiarimalala Célèstin.

Sous-catégories

Vaovao

Arofanina

[Miara-dàlana] Zoma 28 aogositra 2026

• Tanterahina ao Sambava ny JMJ andiany faha-7 ho an'ny Arsidiosezin'Antsiranana, nanomboka ny alarobia 26 aogositra 2026... • Manatanteraka ny fihaonambe voalohany ny Vovonan'ny Olondehibe ao amin'ny Diosezin'i Farafangana, mandritra ny telo andro... • Notanterahina tao Vatican ny fihaonana iraisam-pirenena, nandinihina manokana ny momba ny loza ateraky ny fikirakirana sy ny fanondranana zava-mahadomelina, nokarakarain'ny Departementa PLAPA ao amin'ny CELAM...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...