Lohahevitra : Vaovao

♦ Nametra-pialàna tsy ho Sekretera Jeneralin'ny COI intsony Atoa Edgard Razafindravahy. Tsy fantatra mazava aloha ny anton'izany. Misy ifandraisany amin'ny toe-draharaha pôlitika eto Madagasikara ve?... ♦ Tokony hofidiana ny Sefo Fokontany manomboka izao, hoy ny fanambaran'ny Kômity Miaro ny Tolona tamin'ny faran'ny herinandro teo. Mitaky ny hanalàna ireo lehiben'ny Fokontany ao Antananarivo-renivohitra izy ireo... ♦ Miakatra fampanoavana amin'ity Talata ity ny Ben'ny Tanànan'ny Tsarasaotra any amin'ny Distrika Ambositra, taorian'ny fisamborana azy. Olana ara-tany hitorian'ny Diôsezin'Ambositra azy no anton'izao raharaha izao...

Lohahevitra : Vaovao

♦ Natokana ho andro hivavahana ho an'ny fandriam-pahalemana eran-tany ny  sabotsy 11 avrily izao. Namoaka hafatra momba izany ny Papa Léon-XIV, tamin'ny alahadin'ny Paka teo... ♦ Olona 6 no niatrika fety tany am-ponja noho ny raharaha fanodikodinam-bola teo anivon'ny Fond Souverain Malagasy. Nahiditra am-ponja vonjimaika eny Antanimora sy Tsiafahy izy ireo... ♦ Noferan'ny Fanjakàna ny vidin-tsolika farany ambony eto Madagasikara. Mbola voatàna mitovy tamin'ny vidiny tamin'ny volana marsa teo izany, araka ny fampitam-baovaon'ny OMH... ♦ Mandrahona hamotika an'i Iran ny filoha amerikana omaly...

Lohahevitra : Raki-tsarobidy

Nomen'Andriamanitra safidy malalaka ny olombelona hanao ny tsara sy handositra ny ratsy. An-tsitra-po malalaka mandrakariva anefa no itodihan'ny olona mankamin'ny tsara. Ny tena fahafahana ao amin'ny olombelona dia mariky ny maha-endrik'Andriamanitra azy. Ny fahamendrehan'ny olombelona dia mandidy azy hanao zavatra an-tsafidy malalaka ara-kônsiansy... Katesizy momba ny foto-pampianaran'ny Eglizy "Gaudium Et Spes " Ny Fiangonana sy ny fiantsoana ny olombelona" iarahana amin'i P. Rabenirina Joseph.

Lohahevitra : Raki-tsarobidy

Tsapan'ny olona fa ao anatiny ao dia misy lalàm-pitondran-tena tsy maintsy arahina, dia ny feon'ny Kônsiansiny. Dodonan'io feo io lalandava izy ho tia sy hanao ny tsara ary handositra ny ratsy ; re ao anatin'ny fo ao izy milaza amin'ny fotoana mety manao hoe "ataovy ity ; ialao io ".  Na mety ho diso làlana aza ny kônsiansy dia tsy very hasina velively izy... Katesizy momba ny foto-pampianaran'ny Eglizy "Gaudium Et Spes " Ny Fiangonana sy ny fiantsoana ny olombelona" iarahana amin'i P. Rabenirina Joseph.

Lohahevitra : Vaovao

♦ Fanamby lehibe napetraky ny Filohan'ny Filan-kevi-panjakàna Rabarisoa Andrianaina ny hamoahana ao anatin'ny telo volana ny didim-pitsaràna momba ny fifanolanana ara-pifidianana Ben'ny Tanàna farany teo... ♦ Efa misy manova koa ankehitriny ny daty fara-fampiasàna ireo fanafody, araka ny tatitry ny Holafitry ny Farmasiana eto Madagasikara... ♦ Vary simba 13 kitapo no tra-tehaka teny Andravoahangy, nandritry ny fidinana ifotony nataon'ny ministera tompon'andraikitra... ♦ Latsa-danomaso ireo injeniera iraniana rehefa nanopimaso ilay tetezana nodarohan'ny amerikana baomba ; sivily 13 no namoy ny ainy tamin'ny firodanan'io tetezana io...

Lohahevitra : Vatsim-panahy

Alahady 05 aprily 2026 - Alahady Paka : Nitsangan-ko velona tokoa i Jesoa - Efa voavono i Kristy izay Paka ho antsika ao amin’ny Tompo. Tsy nahatana an'i Jesoa ny herin'ny maizina sy ny fahafatesana ; nandresy ary nitsangan-ko velona ny Tompo ary tsy maty intsony. Lalina sy mahagaga ny ataon'Andriamanitra ho antsika, manambara ny nahafatesanao izay ry Tompo, mankalaza ny nitsangananao, miandry ny hiavianao amim-boninahitra. Ao anatin'ny hateloana fankalazana ny Paka dia tsy mihanona fotsiny amin'ny fahatsiarovana ny fijalian'ny Tompo isika fa hiditra amin'io Mistery io ka hataontsika fihetsepony ny fihetsepo ao amintsika, hiainana izay niain'i Jesoa...

Lohahevitra : Vaovao

♦ Tafiditra ao anatin'ireo olona voarohirohy amin'ny fifofoana ny ain'ny Filohan'ny Fanavaozana ny Tale jeneraly teo aloha eo anivon'ny FSM. Vola tao amin'ny FSM no nahodikodina saika hanonganam-panjakàna hoy ny ministry ny fitsarana Fanirisoa Erinaivo... ♦ Maherin'ny iray tapitrisa ny mponin'Antananarivo hisitraka mivantana ny tetik'asa PIAA andiany-II. Natomboka tamin'ny fomba ôfisialy omaly teny Mahamasina ity tetik'asa PIAA ity ary haharitra 2 taona... ♦ Tandindonin-doza noho ny tsy fahanjarian-tsakafo ireo Kaominina 32 anatin'ny Distrika 5 any amin'ny Faritra Atsimon'ny nosy ankehitriny. Tsy mbla nisy aloha ny aina nafoy, hoy ny BNGRC...

Lohahevitra : Raki-tsarobidy

Voalazan'ny Baiboly fa nataon'Andriamanitra mitovy endrika aminy ny olombelona, ary nataony lahy sy vavy ; saika mifanaraka mandrakariva ny hevitry ny mpino sy ny tsy mpino momba ity zavatra ity ka "Ny olombelona no toy ny foibe sy filohan'ny zavatra rehetra. Olo-marina no naharian'Andriamanitra ny olombelona nefa voasodokan'ilay Ratsy... Katesizy momba ny foto-pampianaran'ny Eglizy "Gaudium Et Spes " Ny Fiangonana sy ny fiantsoana ny olombelona" iarahana amin'i P. Rabenirina Joseph.

Lohahevitra : Raki-tsarobidy

Nataon'Andriamanitra vatana sy fanahy ny olombelona. Tsy maintsy hajainy ny vatany ary lalainy ny fanahiny ; ny vatana dia toa fitambaran'ny zava-boahary tsy vakivolo satria ao aminy no fara-tampon'izy rehetra ary ahazoany midera ny Mpahary azy ireo an-kalalahana. Marina ny iheveran'ny olombelona fa noho ny sainy fotsiny dia mihoatra ny zavatra rehetra izy satria manana anjara amin'ny fahazavan'ny sain'Andriamanitra... Katesizy momba ny foto-pampianaran'ny Eglizy "Gaudium Et Spes " Ny Fiangonana sy ny fiantsoana ny olombelona" iarahana amin'i P. Rabenirina Joseph.

Lohahevitra : Miaina sy mitia

Ny fitoniana dia singa fototra amin'ny fomba fanapahan-kevitra. Amin'n alalan'ny famakafakàna, ny fanadihadiana, ny fikarohana sy fampiasàna vaovao azo antoka dia mahatsara ny fomba fandraisana fanapahan-kevitra, indrindra anaty fitoniana. Ny fanapahan-kevitra voalanjalanja dia azoana antoka hanatsarana ny fiainana ary hanorenana ho avy maharitra sy mirindra. Ny safidy voalanjalanja dia afahana miatrika ny fanamby misy atrehin'ny tanora... Fandaharana "Miaina - Mitia" tontosaina eto amin'ny Radio Don Bosco.

Lohahevitra : Vaovao

♦ Voatonona ho isan'ireo mifofo ny ain'ny Filohan'ny Fanavaozana ny Kôlônely Patrick Rakotomamonjy. Olona 11 tamin'ireo 13 nentina teo anivon'ny Fampanoavana ary natolotra ny mpitsara mpanao famontorana koa no efa nampidirina am-ponja noho ity raharaha ity... ♦ Nahazo fe-potoana telo volana amboniny hahafahana mandoa hetra indray ireo mpisehatra amin'ny asa fitanterana. Manana hatramin'ny 30 jona izy ireo raha tokony efa nifarana ny 31 marsa teo izany... ♦ Fankalazana ny Paka : Miomana ireo mpitandro ny filaminana ao anatin'izao fety izao... ♦ Mbola samy miziriziry amin'ny heviny ary manohy ny fifanafihana Etazonia, Israely ary Iran...

Lohahevitra : Raki-tsarobidy

Lahatr'Andriamanitra ny isian'ny zava-mitranga sy izay tsy maintsy misy araky ny toetr'andro ankehitriny. Finoana no tsy maintsy hamaliana ny antso ; Andriamanitra no miantso hanohy ny fahariana, hiaro ny aina, asa entina mizaka ny tany, fitiavana sy fanajàna ny hafa. Miantefa amin'ny olombelona rehetra ny antson'Andriamanitra hiaina ny fifampitsinjovana... Katesizy momba ny foto-pampianaran'ny Eglizy "Gaudium Et Spes " Ny Fiangonana sy ny fiantsoana ny olombelona" iarahana amin'i P. Rabenirina Joseph.

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...