Lohahevitra : Vaovao

♦ Nampidirina am-ponja vonjy maika eny Antanimora ny Ministry ny Fanabeazam-pirenena teo aloha Paul Rabary. Raharaha anenjehana azy ny fikasàna hanao hetsika fanakorontanana sy fanonganam-panjakàna... ♦ Isan'ny nampandringa ny fitondrana nifandimby teto Madagasikara ny tsy fananan'ny rehetra sehatra ahafahana mandray anjara sy manolo-kevitra momba ny raharaham-pirenena. Antony mahazava-dehibe ny hametrahana ny Filan-kevitra ara-toekarena - sôsialy ary kolontsaina hoy ny ROHY... ♦ Mitaky ny handoavana ny tambin-karama momba ny fitsaharana amin'ny asany ireo miaramila efa misotro ronono...

Lohahevitra : Vatsim-panahy

Alahady 17 mey 2026 - Alahady faha-7 - Taona A fankalazana ny Paka : Ny fiainana mandrakizay dia ny mahalala an’Andriamanitra - Tsy havelako ho kamboty ianareo, hoy ny Tompo, fa handeha Aho, ary ho avy eo aminareo indray ka ho faly ny fonareo. Ny faharetana mivavaka sy ny firaisan-tsaina no toetra tsara indrindra hiandrasana ny fanomezan'ny Fanahimasina, sady fiomanana tsara indrindra hitsenana ny Pantekôty. Sarotra ny mampifanaraka ny voninahitra sy ny fijaliana anefa azo atao izany rehefa miaraka mitolona amim-bavaka miaraka amin'i Jesoa...

Lohahevitra : Andriano ny fahasalamana

Manomboka ao anatin'ny vava ny taova fandevonan-kanina, lela, nify, tenda, aty, sarak'aty, vavony, tsinay. Antony mampikorontana ny taova : kalitao sy ny fatran'ny sakafo, matsiro loatra na mahatsatso loatra, sakafo matavy na tsy mahazatra, sakafo tsy sahaza, sakafo tsy zaka ; ankoatra ireo dia mety ho tsy fahasalamana mahazo ireo taova mandrafitra ny fandevonan-kanina, mety ho otrik'aretina, ny fisian'ny kantsentsitra ao anaty tsinainy. Isan'ny antony mampikorontana ny taova fandevonan-kanina ihany koa ny fikorontanan-tsaina... Fandaharana "Andriano ny fahasalamana", tontosaina eto amin'ny radio Don Bosco.

Lohahevitra : Vaovao

♦ Miantso ny sekoly tsy miankina hanoka-baravarana amin'ny fanatanterahana ny tetik'asa hisitrahan'ireo mpianatra ny laharana Tokana Famantarana azy (N.U.I.S) ny eo anivon'ny Ministeran'ny Fanabeazam-pirenena. Natomboka omaly ny andron'ny sekoly katôlika eto amin'ny Diôsezin'Antananarivo... ♦ Nampidirana am-ponja vonjy maika eny amin'ny Fonjan'Antanimora ny Ministry ny Fanabeazam-pirenena teo aloha Paul Rabary. Omaly izy no niakatra teny amin'ny Fampanoavana... ♦ Notokanana omaly ny fitaovana fanadiovan-drano vaovaon'ny JIRAMA eny Mandroseza. Rano fanampiny ho an'ny mponina eto Antananarivo...

Lohahevitra : Hono hoy aho Mompera ?

Ny 13 mey dia andro ahatsiarovana tranga miavaka : Nisehoan'i Masina Maria tany Fatima, eo koa ny tantaran'ny Papa Joany Paoly-II, indrindra ny tantaran'ny Firenena Malagasy. Very fanahy ny vahoaka vokatry ny rivotry ny fitantanana ankehitriny, izay tsy azo adika fa lavitr'ilay fampanantenana. Mandrisika ireo tompon'andraikitra isan'ambaratonga mba hanao vaindohan-draharaha ny fitsinjovana ny tantsaha, ny tsy fandriampahalemana sy ny ady amin'ny kolikoly, ny asa ho an'ny vahoaka, fijerena ny soa iombonana... Fandaharana "hono hoy aho Mompera", eto amin’ny Radio Don Bosco, isaky ny alarobia alina.

Lohahevitra : Raki-tsarobidy

Ny olon-drehetra, ny tany ama-monina sy ny fanjakàna dia samy tsy maintsy miaro ny zon'ny Ray aman-dreny hanana fara aman-dimby sy hanabe azy anatin'ny fianakaviana. Ny fianakaviana dia sekoly hanatsarana ny maha olombelona ; miara-miasa ny mpivady manabe ny zanaka... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Lohahevitra : Raki-tsarobidy

Ankoatry ny fanabeazana ny ara-nofo sy ara-tsaina dia adidin'ny Ray sy Reny ny manabe ny ara-panahy. Ny ankohonana no Eglizy kely voalohany handraisan'ireo zanaka ny finoana. Ny vavaka dia tena mampiombona ny fianakaviana. Adidin'ny Ray sy Reny ny manampy ny zanany hamantatra sy hamaly ny antson'Andriamanitra... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Lohahevitra : Vaovao

• Hiampy 42.000 m3 isan'andro atsy ho atsy ny rano vatsian'ny Jirama ho an'ny mponin'Antananarivo. Nanomboka nampiasaina sy notokanana androany ny fitaovana fanadiovan-drano vaovao eny Mandroseza... • Homena lanja ny fijerena ireo tena marefo ara-pivelomana, mandritra ny iray volan'ny fiahiana ara-tsosialy. Natomboka tamin'ny fomba ofisialy androany teny Analakely izany hetsika izany, sady nanamarihana ny andro iraisam-pirenena ho an'ny fianakaviana... • Nanapa-kevitra ny komity mpikarakara ny fifaninana ara-panatanjahan-tena ho an'ny orinasa fanaovan-gazety, na ny Inter-média, 2026, fa ahena ho 1 hetsy Ariary ny sara-pisoratana anarana ho an'ny taranja baolina kitra sy ny Basketball...

Lohahevitra : Vaovao

• Ny 3 jona izao indray vao hirosoana ny Fikaonandoham-pirenena, raha ny fampahafantarana nataon'ny Minisitra misahana ny Fanavaozana, Hanitra Razafimanantsoa. Anton'io fihemorana io ny fifampidinihana sy ny fandaminana tsy maintsy natao... • Andro faharoa amin'ny Foaraben'Ambohimalaza andiany voalohany ny anio. Omena lanja mandritra izany ny kalitao sy ny famokarana ary ny fametrahana ny vokatra Label Bio... • Nanao bemidina nadamina ny olana amin'ny tany ambolen'ny mponina sy ny faritra arovana ny any Belo sur Tsiribihina...

Lohahevitra : Vaovao

• Notendren'ny Papa Léon faha-14 ho Nonce Apostolique any Ouganda, i Monseigneur Tomasz Grysa, Nonce Apostolique eto Madagasikara... • Nitory ny Filohan'ny Fanavoazana ny Repoblika, Kolonely Randrianirina Michaël eny amin'ny HCC, ny Solombavam-bahoaka Rajerison Antoine. Nitsikera avy hatrany izany ny Filohan'ny Antenimieram-pirenena, Siteny Randrianasoloniaiko... • Nitondra fanazavana momba ny fisavana teny amin'ny Arena Ivandry, misy ny haino aman-jery Viva, ny Tonia Mpampanoa lalana, Rakotoniaina Narindra Navalona...

Lohahevitra : Raki-tsarobidy

An'Andriamanitra ny aina. Izy no manome, Izy koa no maka hoy ny fahendren-dRazantsika. Adidy ankinin'Andriamanitra amin'ny olombelona ny fiahiana ny aina, ny miaro azy ; noho izany dia anadinan'Andriamanitra antsika olombelona izany. Tsy maintsy harovana amim-pitandremana lehibe ny aina... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Lohahevitra : Raki-tsarobidy

Ny mpivady tsy miray ara-nofo dia mety hihena fifankatiavana sy fiombonana ; mety ho tonga fiaraha-monina sisa ny fifandraisan'izy ireo. Rehefa tapaka ny firaisana ara-pomban'ny mpivady dia mety ho tandindomin-doza ny tsy fivadihana ary mety ho an-kihilahila ny soa ho an'ny ankizy... Katesizy momba ny foto-pampianaran'ny Eglizy " Tsimbinina ny fahamendehan'ny fanambadiana sy ny fianakaviana ", iarahana amin'i P. Rarivoson Aurélien.

Sous-catégories

Vaovao

Arofanina

[Miara-dàlana] Zoma 28 aogositra 2026

• Tanterahina ao Sambava ny JMJ andiany faha-7 ho an'ny Arsidiosezin'Antsiranana, nanomboka ny alarobia 26 aogositra 2026... • Manatanteraka ny fihaonambe voalohany ny Vovonan'ny Olondehibe ao amin'ny Diosezin'i Farafangana, mandritra ny telo andro... • Notanterahina tao Vatican ny fihaonana iraisam-pirenena, nandinihina manokana ny momba ny loza ateraky ny fikirakirana sy ny fanondranana zava-mahadomelina, nokarakarain'ny Departementa PLAPA ao amin'ny CELAM...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...