Lohahevitra : Vaovao

♦ Hampiasana fitaovana manokana ny fifantenana ireo ministra handrafitra ny governemanta vaovao, ho fantatra amin’ny herinandro izao izany, araka ny nambaran’ny Filohan’ny Fanavaozana ny Repoblika an’i Madagasikara, androany… ♦ Fahadisoan-kevitra ny an’ireo firaisamonim-pirenena mitaky ny handravana ny Ceni, na ny tsy hanoloana intsony ny mpikambana  maharitra ao hoy ny KMF/Cnoe ; mitsipaka izany hevitra izany ity kômity mpanara-maso ny fifidianana ity…  ♦ Nahatratra 3.811 Miliara Ariary ny volam-panjakàna very noho ny famoaham-bola tsy ara-dalana tamin’ny taona 2025, nanao tatitra ampahibemaso momba izany, androany, ny Fitsaràna momba ny kaonty...

Lohahevitra : Vaovao

♦ Mitohy ny fizaràna fanampiana ataon'ny Mgr Desiré Kardinaly Tsarahazana, Arsevekan'i Toamasina. Nahazo ny anjarany ny tao amin'ny tanànan'i Mahasoa, omaly... ♦ Hifaràna anio eny amin'ny Oniversite an'Antananarivo ny hetsika fanabeazana ara-bola ho an'ny tanora karakarain'ny ministeran'ny toe-karena sy ny fitantanam-bola. Isan'ny mandray anjara ireo fikambanana mampiasa ny ombona tahiry ifampisamborana GVEG... ♦ Fananganana ny governemanta vaovao, samy manolotra ny heviny ny mpanao politika. Ho an'ny lehiben'ny Faritra Bongolava teo aloha Andry Vorisoa, governemanta ahitana solontena isam-paritra no tokony hajoro...

Lohahevitra : Mba ho vanona

Ny fifampitokisana dia fototry ny fifankatiavana ary fomba iray afahana miala amin'ny fahasarotapiaro. Ny olona tia dia olona tokony hiaina ny fahamarinana ihany koa. Ho fampandrosoana ny firenena dia mila mifampatoky sy firaisan-tsaina ny vahoaka sy ny mpitondra ; ialàna ny fifanenjehana sy ny fifanaratsiana. Isika Malagasy ihany no afaka hikaroka vahaolana amin'ny raharaham-pirenena fa raha ireo vondrona na fikambanana avy any ivelany dia mihonona amin'ny tombontsoany. Ny fanamarihana ny 29 marsa dia tokony hampitamberina ao am-po sy an-tsaina ny tena fitiavan-tanindrazana marina... Fandaharana "Mba ho vanona" iarahana miasa amin'ny jeneraly Désiré Ramakavelo.

Lohahevitra : Vaovao

♦ Noazavaina tamin'ireo fikambanana na vondrom-pikambanana misehatra amin'ny fanaraha-maso ny fifidianana teny amin'ny foiben-toeran'ny CENI omaly ny pitsopitsony arahana amin'ny zotra-pifidianana... ♦ Tsy tokony hanao hadisoana intsony ny governemanta hijoro ho avy eo hoy ny antoko Otrik'afo. Fotoana hirosoana amin'ny tena fanavaozana mantsy izao hoy Andriamatoa Elia Rabevahiny, filohany... ♦ Hivaha tsy ho ela ny olan'ny famatsiana solika. Efa tonga ao Toamasina ny sambo mpitondra solika ho an'i Madagasikara... ♦ Nanamafy ny fahafatesan'ny ministra misahana ny fanangonam-baovao any aminy ny mpitondra ao Iran...

Lohahevitra : Vaovao

♦ Nisy androany ny fihaonana savaranonando teny amin'ny CENI Alarobia, nanazavana ny tsara ho fantatra amin'ny fifidianana ny solontenan'ireo mpisehatra amin'ny fanaraha-maso ny fifidianana... ♦ Misy fanehoan-kevitra samihafa momba ny fananganana governemanta... ♦ Hiverina amin'ny laoniny manombok amin'ny zoma izao ny famatsiana solika ho antsika eto Madagasikara. Efa miantsona ao amin'ny seranan-tsambon'i Toamasina ny sambo mpitondra solika hoy ny OMH... ♦ Noamarinin'ny avy ao Teheran omaly, ny fahafatesan'ny lehiben'ny fiarovana any Iran, vokatry ny fanafihana an'habakabaka nataon'ny Amerikana sy ny Israeliana...

Lohahevitra : Vaovao

♦ Namoaka fanambaràna ny ministeran'ny fitsaràna androany momba ny fisiana IST ho an'olona 13 isa. Voalaza fa tsy avy amin'ny ministra teo aloha izany, araka ny vaovao niparitaka omaly... ♦ Lemaka midadasika 100.000 Ha, no hanaovan'ny tetik'asa Invest Mada fambolena any Ambatondrazaka. Pitsopitsony ara-taratasy sisa dia hanomboka izany, hoy ny tompon'andraikitra... ♦ Vola 4 tapitrisa Dôlara isan-taona no hatokan'ny QMM ho an'ny fandraisana andraikitra hampivoarana ny fiaraha-miasa (RSE).  Anatin'ny fampiasàa ny teti-bola taona 20242025 ny orinasa amin'izao...

Lohahevitra : Ampela mihary

Tsikaritra ho mivaona kely ny fanamarihana ny 8 marsa, izay somary nirona tamin'ny fisehoana ivelany fotsiny, haingo sy fety ; ny tena votoatin'ny 8 marsa anefa dia fitakiana ny zo izay tsy sitrahan'ny vehivavy amin'ny fiainana andavanandro (ohatra : zo hiasa sy handray tambin-kasasarana, zo ho arovana...) Ny vehivavy dia hery iray ho an'ny fanavaozana ny firenena, ny vehivavy rahateo no fototry ny fanabeazana noho izany dia manana ny lanjany amin'ny lafin-javatra maro izy ireny... Fandaharana "Ampela Mihary" tontosaina eto amin'ny Radio Don Bosco.

Lohahevitra : Vaovao

♦ Mila hovàna ny rafitra napetraky ny mpanjanaka teto Madagasikara hoy ny vondron'ny Manampahaizana nasiônaly (GEN). Namoaka fanambaràna momba ny raharaham-pirenena izy ireo omaly... ♦ Misy fikorontanana ny famatsiana lasantsy eto Antananarivo sy ao Toamasina. Ny zoma izao no vinavinaina hiverina amin'ny laoniny izany hoy ny eo anivon'ny OMH... ♦ Tafidina hatrany amin'ny 500 Ariary ny kapoakan'ny fotsim-bary any Alaotra ankehitriny. Manao antso avo amin'ny fitondana ireo fikambanana sy hery velona samihafa avy any an-toerana... ♦ Noesorina tamin'ny Sénégal ny fahazoany ny amboaran'ny Can 2025, i Maroc no nambara ho tompon-dakan'i Afrika...

Lohahevitra : Vaovao

♦ Nampihatrano ny fihaonambe "forum" momba ny asa mendrika ho an'ny tanora ny tetsy amin'ny Centre Notre-Dame de Clairvaux Ivato, androany. Nandray anjara tamin'izany, ankohatry ny Saleziana Don Bosco mpikarakara, ireo mpiara-miombon'antoka amin'ny sehatry ny fampananan'asa ny tanora eto Madagasikara... ♦ Nivoaka tamin'ny fahanginana ny vondron'ireo manampahaizana nasiônaly. Nambaran'ny GEN fa ny rafitra no mila kitihana ho tombontsoan'ny Malagasy... ♦ Amin'ny zoma ho avy izao no hiverina ny famatsiana solika eto an-drenivohitra hoy ny Ofisy Malagasy ho an'ny Ankoran'afo (OMH)...

Lohahevitra : Vaovao

♦ Manomboka mandeha tsikelikely mankany amin'ny fandravàna andrim-panjakàna izay notakian'ny mpitolona ny raharaham-pirenena amin'izao hoy ny antoko SFDM... ♦ Misy fikorontanana ny fitsinjaràna ny karazan-tsolika "lasantsy" amin'ireo toby mpaninjara sasany eto Antananarivo. Tara ny fahatongavan'ny sambo mpamatsy solika ao amin'ny seranan-tsambon'i Toamasina... ♦ Nahiditra am-ponja vonjimaika eny Imerintsiatosika Andriamatoa Ravalison Israel, noho ilay fisandohana galona Jeneraly teo anivon'ny fandraharahàna ny fonja. Anisan'ny vesatra hanenjehina azy ny resaka fisandohana sy fanovàna galona tamin'ny fomba tsy ara-dalàna...

Lohahevitra : Filira

Ny "kipotsaka" dia karazan-dahabolana entina hisarihana ny olona hiresahana hifantoka amin'ny dinika hatao. Ireo tanora mifampiresaka momba ny fitiavana no matetika tena manao azy ity. Andiam-pehezan-teny tsy mifampiankina fa entina misarika fifantohana fotsiny. Ohatra : Ganagana tsy mba gisa, manontany tsy mahadiso... Lahabolana Betsileo no nipoiran'ity lahabolana ity ary ny "kalita" no mitovitovy amin'ny, izay somary misy ady rima...

Lohahevitra : Vaovao

♦ Hijoro tsy ho ela ny governemanta. Vokatra no entina amin'ny vahoaka efa niaina fijaliana. Nasongadin'ny Praiministra vaovao ireo omaly, nandritra ny famindram-pitantanana teny amin'ny Lapan'i Mahazoarivo, omaly... ♦ Mifanenjana ny tale jeneraly sy ny tale mpitantana ara-bola eo anivon'ny "Aviation Civile de Madagascar". Andrasana hotanteraka anio maraina ny famindran-draharaha tokony hataon'io tale io, taorian'ny zava-nisy omaly... ♦ Mitaky ny fanesorana ny tale ao amin'ny CEG Betsimitatatra 67 Ha ny mpampianatra sy ny mpanabe ary ny mpandraharaha ao an-toerana. Manome 48 ora ny tompon'andraikitra mahefa izy ireo hamaliana ny fitakiana...

Sous-catégories

Vaovao

Arofanina

Mba ho fanovana marina sy tena izy

“Aza asiana fiatsarambelatsihy ny fitiava-namana. Mankahalà ny ratsy ary miraiketa amin’ny tsara” (Rm 12,9). Hafatry ny Fivondronamben’ny Evekan’i Madagasikara, ho an’ny mpino kristianina katolika, ho an’ny mpitondra fanjakana, ho an’ny tanora Malagasy tsy an-kanavaka, ho an’ny mpiray tanindrazana, ary ho an’ny olona rehetra tsara sitra-po.

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...